Gürcüstan paytaxtının mərkəzində "Rooms Tbilisi" hotelində yanğın baş verib.

APA-nın “İnterfaks” agentliyinə istinadən verdiyi xəbərə görə, hadisə yerinə 15 yanğınsöndürən briqada cəlb edilib.

Hotelin 5-ci mərtəbəsində başlayan yanğının səbəbləri hələ ki, məlum deyil. İlkin məlumata əsasən, insident nəticəsində zərərçəkən olmayıb, hoteldə olan insanların təxliyə olunduğu bildirilir.

Hadisə yerinə Tbilisinin meri Kaxa Kaladze gəlib.