Hindistanın Cammu və Kəşmir ştatında qar uçqunu nəticəsində azı 11 nəfər həyatını itirib.

“Report” xəbər verir ki, bu barədə rəsmi mənbələrə istinadən "Hindustan Times" nəşri yazıb.

Bildirilir ki, ölənlər arasında iki yaşlı körpə də var.

Nəşr yazır ki, hadisə yanvarın 5-də, cümə günü axşam baş verib.

Polisin məlumatına görə, axtarış-xilasetmə əməliyyatları nəticəsində 2 nəfəri xilas etmək mümkün olub.