Beynəlxalq koalisiya Suriya ordusunun mövqelərinə zərbələr endirib
24-05-2018, 08:42
ABŞ-ın rəhbərlik etdiyi beynəlxalq koalisiya Suriya ordusunun mövqelərinə zərbələr endirib.
"Report" xəbər verir ki, bu barədə Suriyanın dövlət agentliyi SANA məlumat yayıb.
Hərbi mənbə agentliyə bildirib ki, ordunun Əl-Bukemal və Hmeyma əraziləri arasındakı bir neçə hərbi mövqeyi beynəlxalq koalisiyanın təyyarələrinin hücumuna məruz qalıb. Hücum İŞİD terrorçularının cəmləşdiyi vaxt baş verib.
Hücum zamanı ölənlər və ya xəsarət alanlar barədə məlumat yoxdur.
Daha əvvəl xəbər verilmişdi ki, ABŞ-ın rəhbərlik etdiyi koalisiya Hezbullahın Suriyadakı mövqelərinə zərbə endirib.
