Almaniyanın Ravensburq şəhərinin meydanında naməlum şəxs qarşısına çıxan insanlara bıçaqla xəsarət yetirib.

“Report” RİA "Novosti"yə istinadən xəbər verir ki, bu barədə həmin federal torpaqda yerləşən Konstants şəhərinin polisi məlumat yayıb.

"Ravensburqun "Marienplatz" meydanında polis tərəfindən əməliyyat aparılır. Cani üç nəfəri bıçaqla yaralayıb. O, saxlanılıb", - deyə polisin "Twitter" səhifəsində yazılıb.

Bildirilir ki, caninin hücum etdiyi şəxslər ağır yaralanıblar.

"Schwäbische Zeitung" qəzeti yazır ki, naməlum şəxs xəbərdarlıq etmədən mətbəx bıçağı ilə insanlara hücum edib.