Sarı rəngli Ferrari ilə qara rəngli Porsche avtomobillərinin sahiblərinin şəhər kənarındakı yolda yarışmaları faciə ilə başa çatıb.

Milli.Az Daily Mail-ə istinadən bildirir ki, olay Slovakiyanın Jilina şəhərində yaşanıb.

Qarşı hərəkət zolağına çıxan Ferrari öndən gələn avtomobillə toqquşub. Porsche-nin sürücüsü sürəti azaldaraq maşını saxlaya bilməyib, avtomobil Ferrari-yə çırpılıb.

Qarşıdan gələn avtomobilin sükanı arxasında olan şəxs həlak olub. Sərnişin isə ağır vəziyyətdə xəstəxanaya aparılıb. Onların ər-arvad olduğu müəyyənləşib. Qadın ölüm ayağındadır.

Porsche və Ferrari-nine sürücüləri həbs olunublar. Onlar Polşa vətəndaşlarıdır.