Ermənistanda dövlət idarəetməsinin müxtəlif sahələrində korrupsiya təzahürləri aşkar edilib. Məktəb, məktəbəqədər təhsil müəssisələri, universitetlər, tibb mərkəzləri, sosial xidmətlər və “Aypost” nəqliyyat vasitələrinin texniki baxışdan keçirilməsi idarəsində yüzlərlə sui-istifadə halı ilə bağlı iş qaldırılıb. Bütün bu sui-istifadə halları kütləvi xarakter daşıyıb.

Axar.az xəbər verir ki, bu barədə Ermənistan İstintaq Komitəsinin rəhbəri Ayk Qriqoryan danışıb.

“Son 9 ay ərzində 845 axtarış həyata keçirilib, 172 nəfər saxlanılıb. 1335 nəfər təqsirləndirilən şəxs qismində məsuliyyətə cəlb olunub. Onlardan 101 nəfəri vəzifədə olan məmurlardır. 142 nəfər barəsində həbs qətimkan tədbiri seçilib”, - Qriqoryan bildirib.