“Koroğlu” metrostansiyasının yaxınlığında Heydər Əliyev adına Hava Limanı istiqamətində yol-nəqliyyat hadisəsi baş verib.

Axar.az xəbər verir ki, iki eyni istiqamətdə hərəkət edən avtomobilin iştirakı ilə baş verən qəza yolda böyük tıxaca səbəb olub. Hadisə nəticəsində ölən və ya yaralananların olub-olmadığı hələlik məlum olmasa da, hadisə yerinə təcili tibbi yardım avtomobili çağırılıb.

Zərbənin şiddətindən avtomobillərin iksi də yolun əks istiqaməti üzrə dayanmışdı.

Qəza səbəbindən yolda böyük tıxac yaranıb. Hadisə günün pik saatında və yolda avtomobillərin çox olduğu zaman baş verdiyindən tıxacın uzunluğu Heydər Əliyev prospektinə qədər gedib.