Xeyli müddətdir ki, qafqaznews.az saytı Bakı şəhərində qanunsuz narkotik-psixotrop maddələrin satışı ilə məşğul olan apteklərlə bağlı reydlər keçirərək silsilə yazılar dərc edir. Ancaq bütün bunlara baxmayaraq narkotik-psixotrop maddələrin satışının qarşısı alınmır, əksinə paytaxda bu maddələrin qanunsuz satışı günbəgün çiçəklənir.

Belə apteklərdən biri də 8-ci mikrorayon, Cəfər Xəndan küçəsi, 13-də yerləşən aptekdir.

Dünən əməkdaşlarımız bu aptekdən reseptsiz Tramadol adlı psixotrop dərmanının satışını videolentə alıb. Məlumat üçün bildirək ki, bu aptekdən əvvəl əməkdaşlarmız Nərimanov rayonu Azadlıq prospekti 235 c və 235 d ünvanda yerləşən apteklərdə də reydlər keçirib Lyrica adlı psixotrop dərmanların satışını videolentə almışdır. Кадр videoplayback (00-00-59)Həmin ərazi Nərimanov RPİ-nin 16- cı Polis Bölməsinin sahəsi olduğuna baxmayaraq həmin bölmənin əməkdaşı müxbirimizi aldadaraq bildirib ki, guya həmin ərazi Binəqədi RPİ-nin 4- cü Polis Bölməsinin ərazisidir.

Bunu nəzərə alaraq bildiririk ki, dünən reyd keçirtdiyimiz 8 -ci mikrorayon Cəfər Xəndan küçəsi 13 -də yerləşən “Elite” aptekinin ərazisi Binəqədi RPİ-nin 5-ci Polis Bölməsinə aiddir. Reydlərimiz davam edir. İnanmaq istəyərdik ki, hüquq-mühafizə orqanları yaxın günlərdə bu cinayət əməlləri ilə bağlı açıqlama verəcək.
[media=https://www.youtube.com/watch?v=fRGJWE_Of4w]
[media=https://www.youtube.com/watch?v=KyOYjfW_Nho]