Rusiyanın Müdafiə naziri Sergey Şoyqu mobil telefonu bir çox insanın əsas düşməni adlandırıb.



TED.az xəbər verir ki, o bunu yerli mediaya verdiyi müsahibədə masanın üstündəki smartfona işarə edərək deyib.



Nazir bildirib ki, bu gün bir çoxları real həyatlarını əvəz edən qacetlərə görə, "qısa və məhdud şəkildə" yaşayırlar.



“Qacetlər və əksər vaxt tamamilə lazımsız məlumat axını sayəsində bizə elə gəlir ki, təlaş içində yaşayırıq. Amma əslində, yox. Biz sadəcə bir anlıq informasiya məkanında yaşayırıq", - deyə S.Şoyqu qeyd edib.



Şoyqu rusları lazımsız məlumatlardan imtina etməyə və ölkəni öz gözləri ilə görməyə çağırıb.



Qeyd edək ki, 2018-ci ilin fevralında Amerikalı elm adamları radiasiya istifadə edən mobil telefonların insan sağlamlığına zərər vermədiyini bildiriblər. Bir il əvvəl isə Kaliforniyadan olan mütəxəssislər yatarkən telefonu yaxınına qoyan insanlarda xərçəng yarandığını və sonsuzluq təhlükəsinin artdığını vurğulayıblar.