“Azərbaycanda dövlət satınalmaları ilə bağlı problemlər var. Birincisi, tenderlərdə mallar istehsalçıdan deyil, vasitəçidən alınır. Həmin mallar da fərqli qiymətə rəsmiləşdirilir”.

Bizim.Media xəbər verir ki, bu fikirləri millət vəkili Qüdrət Həsənquliyev Milli Məclisin iclasında deyib.

Deputat bildirib ki, bu hər kəsin bildiyi məsələdir və cəmiyyətdə narazılıq doğurur:

“İkinci problem tenderlərdə iştirakla bağlıdır. Bəzən görürsən ki, 2 ay ərzində yaranan şirkət milyonluq tenderi udur. Məncə bu, qanunvericiliklə tənzimlənməlidir. Tenderlərdə iştirak edən şirkətlər ən azı 5 il öz fəaliyyətində fəaliyyət göstərməlidir”.