Parisdə jurnalist Qaşıqçının qətlində şübhəli bilinən şəxs saxlanılıb

8-12-2021, 07:23           
Parisdə jurnalist Qaşıqçının qətlində şübhəli bilinən şəxs saxlanılıb
Fransa polisi səudiyyəli jurnalist Camal Qaşıqçının qətlində şübhəli bilinənlərdən biri, 33 yaşlı Xalid Eid əl-Uteybini saxlayıb.

Məlumata görə, Səudiyyə Ərəbistanı Kral Qvardiyasının keçmiş üzvü ParisinŞarl de Qoll hava limanında Ər-Riyad reysilə yola düşməyə hazırlaşarkən saxlanılıb.

Saxlanılan şəxsin kimliyi və könüllü razılığı təsdiqlənərsə, Fransa onu bu iş üzrə məhkəmənin aparıldığı Türkiyəyə təhvil verəcək. Əks halda onun ekstradisiyası məsələsini Fransa məhkəməsi həll edəcək.

Qeyd edək ki, rəsmi Ər-Riyadın siyasəti ilə bağlı tənqidi məqalələri ilə tanınan jurnalist Camal Qaşıqçı 2017-ci ildən ABŞ-da yaşayıbvə burada The Washington Post qəzeti ilə əməkdaşlıq edib. O, 2018-ci il oktyabrın 2-də ölkəsinin İstanbuldakı Baş Konsulluğuna gedərkən yoxa çıxıb. Oktyabrın 20-də Səudiyyə Ərəbistanı rəsmiləri Qaşıqçının münaqişə zəminində diplomatik missiyanın binasında öldürüldüyünü bildirib. Beynəlxalq ictimaiyyət bu cinayəti pisləyib.

Mənbə: TASSшаблоны для dle 11.2



Loading...



Loading...





Loading...

Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.