Yəhya Sinvar Qəzza zolağında Fələstinin radikal HƏMAS hərəkatının lideri kimi fəaliyyətini davam etdirir.

AZƏRTAC xəbər verir ki, bu barədə Qətərin “Əl-Cəzirə” telekanalı hərəkatın Siyasi Bürosunun üzvü Məhəmməd Nazzala istinadla məlumat yayıb.

“Sinvar hələ də HƏMAS-ın lideri kimi öz vəzifəsini yerinə yetirir, hərəkatın bütün liderləri seçkilər yolu ilə seçilir”, - deyə telekanal onun sözlərini sitat gətirib.

Bir gün əvvəl İsrailin müdafiə naziri Yoav Qalant bildirib ki, HƏMAS artıq öz komandirlərinə etibar etmir və Qəzzanı idarə edəcək yeni lider axtarır.