Şahin Bağırov Mühafizə Xidmətinin rəisini təqaüdə göndərdi - Yerinə o gətirildi
13-05-2024, 18:13
Dövlət Gömrük Komitəsinin Baş Gömrük Mühafizə Xidmətinin rəisi işdən çıxarılıb.
"Qaynarinfo"-nun verdiyi məlumata görə, polkovnik Şıxəliyev Elçin Yavər oğlu Baş Gömrük Mühafizə Xidmətinin rəisi vəzifəsindən azad olunaraq, təqaüdə göndərilib.
Elçin Şıxəliyev
Polkovnik Mustafayev Mübariz İsa oğlu rəis müavini təyin edilib. Bu barədə komitə sədri, general-leytenant Şahin Bağırov müvafiq əmr imzalayıb. Mübariz Mustafayev idarənin rəis əvəzi vəzifəsini icra edir.
Qeyd edək ki, 56 yaşlı polkovnik Mübariz Mustafayev Gömrük Sərhəd Buraxılış Məntəqələrinin İşinin Təşkili Baş İdarəsi rəisinin birinci müavini vəzifəsində çalışıb. Vətən müharibəsi iştirakçısıdır. O, 25 ildən çoxdur DGK-da müxtəlif vəzifələrdə çalışıb.
Mübariz Mustafayev
