Süni intellektin iki öncülü - Con Hopfild və Cefri Hinton çərşənbə axşamı fizika üzrə Nobel Mükafatı qazanıb.

Nobel Komitəsinin bəyanatında deyilir ki, süni intellektin iki öncülü - Con Hopfild və Cefri Hinton işimizi və həyat tərzimizi dəyişdirəcək, eyni zamanda bəşəriyyət üçün yeni təhlükələr yaradacaq maşın öyrənməsinin əsas bloklarını yaratmağa kömək etdikləri üçün fizika üzrə Nobel Mükafatı qazanıb.

“Süni intellektin xaç atası” kimi tanınan Hinton Toronto Universitetində çalışan Kanada və Britaniya vətəndaşıdır. Hopfild Prinstonda işləyən amerikalıdır.

"Fizika üzrə builki iki Nobel Mükafatı bugünkü güclü maşın öyrənməsinin əsasını təşkil edən metodları inkişaf etdirmək üçün fizika alətlərindən istifadə edib", Nobel Komitəsinin press-relizində deyilir.

İsveç Kral Elmlər Akademiyasının Nobel Komitəsinin üzvü Ellen Muns deyib ki, iki laureat “assosiativ yaddaş kimi fəaliyyət göstərən və böyük məlumat dəstlərində nümunələr tapan süni neyron şəbəkələrinin dizaynı üçün statistik fizikanın fundamental anlayışlarından istifadə edib”.

Onun sözlərinə görə, bu cür şəbəkələrdən fizika sahəsində tədqiqatları inkişaf etdirmək üçün istifadə olunub və bu, "gündəlik həyatımızın bir hissəsinə çevrilib, məsələn, sifətin tanınması və dil tərcüməsində".

Hinton proqnozlaşdırıb ki, süni intellekt nəhayət sivilizasiyaya “böyük təsir” göstərəcək, məhsuldarlıq və səhiyyəyə təkmilləşdirmələr gətirəcək.

"Bu, Sənaye İnqilabı ilə müqayisə edilə bilər", o, jurnalistlər və İsveç Kral Elmlər Akademiyasının rəsmiləri ilə açıq görüşdə bildirib.

Nobel komitəsi ilə telefonla əlaqə saxladıqda "Mən heyrətə gəldim. Bunun baş verəcəyini ağlıma belə gətirmirdim" deyib.

Hopfild isə hələ reaksiya verməyib.