Livandan və Suriyadan İsrailə PUA-lar buraxılıb

12-10-2024, 16:44           
Livandan və Suriyadan İsrailə PUA-lar buraxılıb
İsrail hərbçiləri Livandan iki pilotsuz təyyarənin hava məkanına daxil olduğunu qeydə alıblar.
TASS xəbər verir ki, bu barədə ordunun mətbuat xidməti məlumat yayıb.

"Aparatlar Livandan sərhədi keçdikləri andan nəzarət altında olub. İsrail Hərbi Hava Qüvvələri qurğulardan birini ələ keçirib", - məlumatda bildirilir.

Hərbçilərin məlumatına görə, insidentdən sonra Tel-Əvivin şimal ətraflarından biri olan Herzliyada binaya ziyan dəydiyi barədə məlumat daxil olub.

Hələlik itkilər barədə məlumat yoxdur. Ordudan bildirilib ki, insident araşdırılır.

Livandan iki PUA-nın daxil olmasından sonra İsrail hərbçiləri ölkənin hava məkanının yeni pozulması faktını qeydə alıblar. Bu dəfə söhbət Suriyadan atılan pilotsuz təyyarədən gedir.

Həmçinin bildirilir ki, bu gün "Hizbullah" tərəfindən Livandan İsrailə təxminən 230 mərmi atılıb.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru