ABŞ Prezidenti Donald Tramp gələn həftə ilk xarici səfərini Qətərə edəcək.

“AzPolitika” xarici mediaya istinadla xəbər verir ki, səfər zamanı Prezidentə Birləşmiş Ştatlara xarici bir hökumətdən indiyədək verilmiş ən dəyərli hədiyyə – süper lüks “Boeing 747-8” reaktiv təyyarəsi veriləcək.

Qətərin bu hədiyyəsi Donald Tramp tərəfindən yeni Air Force One (Prezident təyyarəsi) olaraq istifadə ediləcək.

Təyyarənin mülkiyyəti Trampın prezidentlik müddətini bitməzdən əvvəl onun prezident kitabxanasının fonduna veriləcək.

Qeyd edək ki, Qətər əmirinin hədiyyəsinin dəyəri 400 milyon dollar qiymətləndirilir. Tramp komandasından belə bahalı hədiyyənin səbəbi izah edilməyib.