"Tesla" müştəri xidməti sisteminə süni intellekt tətbiq edib".

Bu barədə "Teslarati" nəşri xəbər verir.

Təşəbbüs müştərilərlə qarşılıqlı əlaqəni yaxşılaşdırmaq və problemlərin operativ həllinə yönəlib.

Süni intellekt uzun müddətdir suallarına cavab ala bilməyən və əsəbiləşən istifadəçilərə xüsusi diqqət yetirəcək.

Yeni süni intellekt agenti şirkətlə müştərilər arasında ünsiyyətdəki gecikmələri izləyəcək, bu söhbətlərin tonunu təhlil edəcək və müəyyən şikayətləri avtomatik olaraq birbaşa rəhbərliyə ötürəcək.

Bundan əlavə, iki həftə cavab gözlədikdən sonra müştərilər birbaşa menecerlərlə əlaqə saxlamaq üçün "Escalate" sözünü yaza biləcəklər.

Bu funksiya rəhbərliyin problemə çıxışını asanlaşdırmaq üçün nəzərdə tutulub və şikayətlərin bir çox səbəbini aradan qaldırmağa kömək edəcəyi gözlənilir.