40 ildir insan üzü görmür. Bu adam Amazon meşəsində həyatını tənhalıqla keçirir

Dünyada bəzi insanlar var ki, müasir sivilizasiyadan tamamilə uzaq, tənha həyat tərzi sürür. AzPost.az xəbər verir ki, Braziliyada “Tanımadığımız Adam” adı ilə tanınan şəxs 40 ildir Amazon meşəsində tək yaşayır. Onun adı, yaşı və haradan gəldiyi bu günə qədər dəqiq bilinmir.

İlk dəfə 1996-cı ildə tədqiqatçılar tərəfindən izlərinə rast gəlinib. Bildirilir ki, o, heç vaxt kənd və ya şəhərə gəlmir, insanlarla təmasa girmir. Hər dəfə meşəyə daxil olan araşdırmaçılar yalnız onun düzəltdiyi primitiv sığınacaqlar və ov alətləri ilə qarşılaşıb. Hətta həmin adamın meyvə və heyvan dərisindən hazırladığı öz əli ilə düzəltdiyi geyimləri də tapılıb.

Meşədə sağ qalmaq üçün yalnız təbii üsullardan istifadə edir. Onun meşədə tikdiyi ağac evlər və qazdığı quyu formalı tələlər Amazon cəngəlliklərinin simvoluna çevrilib. Sakinlər isə onun sehrli güclərə sahib olduğuna inanır. Rəvayətə görə, o, meşədə itənləri xilas edir və pis niyyətliləri qorxudaraq qaçırdır.

Hər kəs onun niyə bu qədər uzun illər tək yaşadığını düşünür. Bəziləri ailəsinin faciəli şəkildə yoxa çıxmasından sonra belə yaşamağa qərar verdiyini deyir. Maraqlıdır ki, o, kameralar qarşısına keçməkdən imtina edib.

Sonuncu dəfə 2022-ci ildə qısamüddətli izinə rast gəlinib. Həmin izlər və qida qalıqları onun hələ də sağ olduğunu sübut edib. Onun haqqında bu gün də filmlər və sənədli lentlər çəkilir.