Hazırda həbsdə olan iş adamı Nizami Piriyevlə bağlı Qafqaz Xəbər Agentliyinə yeni məlumatlar daxil olub. Məlumat üçün bildirək ki, tanınmış biznesmen-hüquqşünas İlham Rəhimov tərəfindən Neftçilər prospektində 9 milyona alınan obyekt uzun illərdi Rasim Əsədov tərəfindən icarəyə götürülüb. Və “Avenue” şirkətinin bütün malları həmin mağazada satılır.

Rasim Əsədovla bağlı onu qeyd edə bilərik ki, bu şəxs elitaya çox yaxındır. Eyni zamanda Rasim Əsədov İlham Rəhimovun kürəkəni Araz Mehdiyevlə birgə “Baktel” şirkətinə şərikdir. Daxil olan məlumata görə, təxminən 3 ay əvvəl Nizami Piriyev “Avenue” şirkətinin 51 faizinə sahib olur. Nizami Piriyev gələcəkdə həbsdən sığortalanmaq üçün Rasim Əsədovla şərik olmağı özü üçün çıxış yolu hesab edir. Ancaq Nizami Piriyevin düşündüyü kimi olmadı və…

Redaksiyamıza daxil olan məlumata görə, bugünlərdə Nizami Piriyevin oğlu Nəsib Piriyev “Avenue” şirkətindəki 51 faiz paylarını satışa çıxardıb. Yeri gəlmişkən, Rasim Əsədov Bakı elitası arasında hörmət sahibidir. Onun şəriki Araz Mehdiyev barəsində isə fərqli fikir var. O, xeyli müddət mobil telefon inhisarçısı olub. Aldığımız son məlumata görə, Araz Mehdiyev son həbslərdən canını qurtarmaq üçün Dubaya sığınıb. Nə vaxtadək..?