Ukrayna artıq sovet dövründən qalma silahlara arxalana bilməz və NATO standartlarına keçid üçün hərtərəfli proqrama ehtiyacı var.

Publika.az xəbər verir ki, bunu "Sky News" telekanalına müsahibəsində Ukraynanın xarici işlər naziri Dmitri Kuleba deyib.

"Xüsusilə, ən çox ehtiyac çoxlu MLRS reaktiv yaylım atəşi sistemlərinə və qərb tanklarınadır, köhnə sovet tanklarına deyil", - nazir bildirib.

Xarici işlər naziri bu cür silahların müharibənin gedişatını dəyişəcəyini də vurğulayıb:

"Biz bəzi Ukrayna ərazilərini itirəcəyik və bu silahları vaxtında almasaq, müharibə daha uzun sürəcək".