“Bunun üçün ilk növbədə “Artsax rəhbəri” məsuliyyət daşıyır.

KONKRET.az xəbər verir ki, bunu erməni deputat Tiqran Abramyan Facebook səhifəsində yazıb.

“”Artsax hakimiyyəti”nin susmağa haqqı yoxdur və azərbaycanlıların “Artsax”ın ermənilərin nəzarətində olan hissəsinə necə gəldiyini, onlara nə üçün bu hüququn verildiyini izah etməlidir. Düşünmürəm ki, Rusiya sülhməramlıları “Artsax” hakimiyyətinin icazəsi olmadan belə bir addım atsın. Hətta belə bir qərar olsaydı bu elan edilməli idi. Ona görə də, ilk növbədə Araik Arutyunyan məsuliyyət daşıyır və o, cəmiyyəti düzgün məlumatlandırmalı, “Artsax” ətrafındakı vəziyyət, Rusiya sülhməramlılarının vasitəçiliyi ilə əldə olunan razılaşmalar və bunun səbəbləri barədə danışmalıdır” – deyə Tiqran Abramyan əlavə edib.