Gürcüstan və Rusiya prezidentləri İlham Əliyevə baş sağlığı verdilər
6-12-2015, 17:10
Dekabrın 6-da Gürcüstan prezidenti Giorgi Marqvelaşvili Azərbaycan Respublikasının prezidenti İlham Əliyevə telefonla zəng edib.
Gürcüstan prezidenti “Günəşli” yatağındakı platformada baş vermiş yanğın nəticəsində insan tələfatı ilə bağlı dövlətimizin başçısına, həlak olanların doğmalarına və yaxınlarına başsağlığı verib.
Azərbaycan prezidenti göstərilən diqqətə və başsağlığına görə minnətdarlığını bildirib.
Rusiya Prezidenti Vladimir Putin Prezident İlham Əliyevə “Günəşli” yatağındakı 10-cu dərin dəniz özülündə baş vermiş güclü yanğınla əlaqədar başsağlığı verib.
Başsağlığında deyilir: “Günəşli” neft platformasında yanğın nəticəsində insanların həlak olması ilə əlaqədar dərin hüznlə başsağlığımı qəbul edin. Həlak olanların doğmalarına və yaxınlarına dərindən kədərləndiyim və dəstəyim barədə sözlərimi, bütün xəsarət alanlara tezliklə sağalmaq arzularımı çatdırmağı xahiş edirəm".
