Rusiyanın tanınmış erməni əsilli media maqnatı Aram Qabrelyanov, Baş nazir Nikol Paşinyan və onun komandasını erməni xalqının maraqlarına xəyanət etməkdə günahlandıraraq sərt bir şəkildə tənqid edib.

KONKRET.az xəbər verir ki, Aram Qabrelyanovun bu açıqlaması onun “Karamba” telegram kanalında yayımlanıb və çıxışı ədəbsiz ifadələrlə dolu olub. Aram Qabrelyanovun işlətdiyi söyüşlərin qeyri-etik olduğu üçün dərc etmirik. Amma əsas məqamları yazırıq. Qabrelyanov daha sonra deyib ki, faciənin miqyası ermənilər üçün çox böyükdür, lakin heç bir vətənpərvər özünü alçaldılmış kimi hiss etməməlidir. Bundan əlavə, hadisənin əsl günahkarlarının adını çəkir. “G…lər yayçınıblar kreslolara, g…lər Sorosun əlində bəslənərək bu yoxsul ölkəni otuz ildir soyub-talayır və İrəvanın mərkəzində özləri üçün villalar, saraylar tikiblər… Bu saraylarda oturub vətənpərvərlikdən danışıblar. Vətənpərvərlik tələb olunanda isə bu g..lər Vətəni, milləti bir imzaları ilə satdılar. Bu biabırçılığı başımıza gətirdilər. Onları tanımalıdır hər bir erməni. Levon, Robert, Serj, Nikol, Prezident Sarkisyan və başqalarıdır onlar…”

Qabrelyanov Rusiya barədə də fikirlərini söyləyib. “İndi qısa şəkildə Rusiyanın ermənilərə xəyanət edib etməməsi barədə. Xəyanət etdiyini düşünmürəm. Çünki bir qardaş və ya dost xəyanət edə bilər. Müasir Rusiya Ermənistan üçün nə qardaş, nə də dostdur. Strateji ortaq və qardaş fərqli anlayışlardır, deyilmi? Ancaq ermənilər özləri də Rusiya ilə qardaş və dost olmaq istəmirdilər. Qürur, ehtiras və özünə inam hissi mane oldu. Deyilmi? Rusiya ermənilərlə çapılmış atlarla davrananlar kimi davrandılar. Bunu hər kəs edir. Və burada ermənilərin narazılığı əsassızdır. Dürüst olaq – bu sizin öz günahınızdır! Ümumiyyətlə, günahı yan tərəfdə deyil, özündə axtarmaq acıdır. Ancaq yeganə terapiya yolu budur”.

Qabrelyanov Nikol Paşinyan və Qarabağ separatçılarının lideri Arayik Arutyunyanın da bazarına daş atıb. “Hər şeydən əvvəl utanc Nikolu və cib krujevası Arayikindir. Arayık qudurmuşdu, Mardakert bölgəsin tamamilə özəlləşdirmişdi. Amma bilmədi ki, türklər bir gün bunu onun burnundan gətirəcək. Qazi Balasanyanın əvəzinə bir bazar adamını yuxarı başa keçirəndə belə də olmalıydı. Bəli. Təəssüf ki, anamın doğma kəndində doğulmuş bir it küçüyü var. Bu Arayıkın mətbuat katibidir. Uşaqlarımızı Şuşada qırğına sizlər təhrik etdiniz. Onların nahaq qanları və göz yaşlarına görə deyirəm, siz alçaq və satqınsınız. Yalan deyirəmsə, bunu təkzib etməyə çalışın”, – deyə çıxışına davam edib. Sonda vəziyyətdən çıxış yolu olaraq Aram Qabrelyanov hakimiyyəti 15 nəfərlik Xilasetmə Komitəsinə təhvil verməyi və referendumun keçirilməsini təklif edib. Deyib ki, Ermənistanı yenidən prezident idarəçiliyinə qaytarılmalıdır.Yalnız bundan sonra Yeni Ermənistan və tək qardaşla 70 min nəfərlik peşəkar ordu quruculuğuna başlamaq olar.