Azərbaycan xalqı əzm, məqsədyönlü fəaliyyət və liderliklə tarixi yenidən yazmağın mümkün olduğunu sübut etdi.

Axar.az xəbər verir ki, bu fikir “Azərbaycanın dostları” şəbəkəsinin rəhbəri Malik Əyyub Sumbalın Qarabağ müharibəsində qazanılan möhtəşəm qələbə münasibətilə Azərbaycan xalqına təbrikində əks olunub.

“Bu qələbə güclü və qətiyyətli lider olan Prezident İlham Əliyevin strategiyasına əsaslanır”, - deyən Sumbal əlavə edib ki, qələbə həm də Vətən üçün canlarından keçən şəhidlərin sayəsində mümkün olub.

Qeyd edək ki, pakistanlı geosiyasi təhlilçi, jurnalist Malik Əyyub Sumbalın təsisçisi olduğu “Azərbaycanın dostları” şəbəkəsi Azərbaycan həqiqətlərinin, o cümlədən Qarabağ münaqişəsi barədə reallıqların dünyaya çatdırılmasına çalışır.