“Rəsmi Moskva ümid edir ki, rəsmi Bakının Dağlıq Qarabağın xüsusi statusunu müzakirəsindən imtinası regionda münaqişənin yeni dalğasına səbəb olmayacaq”.
Cebhe.info xəbər verir ki, bunu Rusiya Xarici İşlər nazirinin müavini Andrey Rudenko deyib.
O, bunun yeni dalğaya gətirib çıxarmayacağına ümid etdiyini vurğulayıb.
Müxbirin “Dağlıq Qarabağın statusunun həlli üçün hansısa müddət varmı?” sualına cavabında nazir müavini “Xeyir, bunun müddəti yoxdur. Status məsələsi çox həssasdır”,- deyib.
Xatırladaq ki, Azərbaycan Prezidenti İlham Əliyev status məsələsinin bundan sonra müzakirə mövzusu olmayacağını deyib. Rusiya Prezidenti Vladimir Putin isə dünənki müsahibəsində status məsələsinin iki ölkənin münasibətləri tam qaydaya düşdükdən sonra həll oluna biləcəyini vurğulayıb.