ABŞ Səudiyyə Ərəbistanına 650 milyon dollara 280 ədəd "hava-hava" raketi satmaq niyyətindədir.

"Report" xəbər verir ki, bu barədə Dövlət Departamentinin saytında yerləşdirilən bəyanatda deyilir.

“Dövlət Departamenti Səudiyyə Ərəbistanına təqribən 650 milyon dollar dəyərində orta mənzilli "hava-hava" raketləri və müvafiq avadanlığın mümkün satışını təsdiqləyib”, - məlumatda qeyd olunur.

Bildirilir ki, Səudiyyə Ərəbistanı ABŞ-dan 280 raket, 600-ə yaxın köməkçi avadanlıq satmağı xahiş edib. Vaşinqton, həmçinin Ər-Riyadı "596 LAU-128" reaktiv yaylım atəşi ilə təchiz edəcək

ABŞ administrasiyasının fikrincə, Səudiyyə Ərəbistanı orta mənzilli raketlər arsenalını artırmaqla hazırkı və gələcək təhdidlərə tab gətirmək qabiliyyətini gücləndirəcək.