ABŞ prezidentinin milli təhlükəsizlik üzrə müşaviri Ceyk Sallivan Rusiyanın Ukraynaya “işğalının” vaxtını açıqlayıb.

Sallivan bu haqda “Fox News” telekanalında deyib.

Onun sözlərinə görə, bu, hər gün baş verə bilər.

“Biz fürsət pəncərəsindəyik. Rusiya istənilən gün Ukraynaya qarşı hərbi əməliyyatlara başalaya bilər. Bu, ya bir neçə həftə ərzində baş verəcək, ya da Rusiya diplomatik yol seçəcək”, - deyə Sullivan qeyd edib.

Amerika liderinin müşaviri NBC telekanalına verdiyi digər müsahibəsində qeyd edib ki, “işğal” hələ fevralın 7-də başlaya bilər.


Sallivan vurğulayıb ki, Kreml “işğal”ı bir neçə həftə gecikdirə bilər.

Sallivan həmçinin bildirib ki, ABŞ hakimiyyəti Rusiyanın “Donbası ilhaq edə biləcəyini” istisna etmir.