"Putin artıq Ukraynanın şərqində də Rusiyaya nifrət yaradıb"

"Belarus ordusu adlanan dəstənin Ukraynaya daxil olmasının hərbi baxımdan önəmi yoxdur. Bu, daha çox filmlərdəki "massovka"ya oxşayır. Sərhədə topladığı qruplaşmanın üçdə ikisini ötən 5 gündə hərbi əməliyyatlara cəlb edən Rusiya komandanlığı zərbə almamış, itki verməmiş yeni hərbi birləşmələrə ehtiyac duyur. Lakin aqrorəhbərin ordusunun döyüş qabiliyyəti böyük şübhə doğurur, ən azı bu sahədə Rusiya ordusundan geri qaldıqları dəqiqdir. Yəni bunların Ukrayna ordusu ilə ilk toqquşmada pərən-pərən düşməsi təəccüblü olmayacaq".

"AzPolitika.info" xəbər verir ki, bu fikirləri siyasi təhlilçi Şahin Cəfərli Belarus ordusunun Ukraynaya hərbi müdaxiləsini şərh edərkən bildirib.