Azərbaycan rəqs müəlliməsi Jila İbrahimi Təbriz həbsxanasından müvəqqəti olaraq sərbəst buraxılıb.
Bakupost.az bildirir ki, bu barədə insan haqları üzrə fəaliyyət göstərən HRA xəbər agentliyi məlumat yayıb.
Xəbərə əsasən, Jila İbrahimi 500 milyon tümənlik mülki girov qarşılığında məhkəmənin son qərarına qədər müvəqqəti olaraq buraxılıb.
Xatırladaq ki, Jila İbrahimi Təbrizdə Saz Söz adlı dərnəyin üzvüdür. O, sosial mediada rəqs videoları paylaşdığı üçün iyulun 1-də saxlanılaraq 10 günlük nəzarətə alınıb. İnsan haqları üzrə fəaliyyət göstərən Ərk cəmiyyəti bildirir ki, İbrahiminin zəmanətə buraxılma prosedurası məhkəmə tərəfindən gecikdirilib və nəticədə rəqs müəlliməsi qurban bayramını həbsxanada keçirməli olub.
İranda rəqs təlimi qadağandır, buna baxmayaraq Azərbaycan rəqsinin tədrisi və öyrənilməsi son illərdə xüsusilə qadınlar və qızlar arasında çox populyarlaşıb.