Ukrayna Silahlı Qüvvələri (USQ) tezliklə bir sıra istiqamətlər üzrə hücuma keçəcək və ehtimal ki, Rusiya bu hücumları effektli şəkildə dəf edə bilməyəcək.

Bu barədə Donbasdakı separatçılıq əməliyyatının əsas təşkilatçılarından biri, rusiyalı terrorçu İqor Qirkin (Strelkov) bəyan edib.
Onun sözlərinə görə, əks-hücum Xerson, Zaporojye və Xarkov istiqamətlərində (Rusiya sərhədi yaxınlığında) gözlənilir. O, həm də istisna etmir ki, Ukrayna ordusu Rusiya ərazisinə soxula bilər.

«Gözləyirik ki, operativ pauza başa çatsın və ehtimal ki, o, düşmənin hücumu ilə başa çatacaq. Məndə möhkəm əminlik yoxdur ki, ordunun artırılması barədə təcili tədbirlər görüləcək, onu artırmaq isə yalnız faktiki və qismən səfərbərliklə mümkündür. Amma biz, kifayət qədər ciddi məğlubiyyətə düçar ola bilərik» - Qirkin bəyan edib.