Sankt-Peterburqun səfərbər edilmiş sakini Aleksandr Çetverikov hərbi komissarlığı məhkəməyə verib və çağırış komissiyasının qərarını qanunsuz hesab etməyi xahiş edib.

Bu barədə oktyabrın 3-də Sankt-Peterburq Məhkəmələrinin Birləşmiş Mətbuat Xidməti öz “Telegram” kanalında məlumat yayıb.

Çetverikovun sözlərinə görə, hərbi komissarlıq tibbi müayinə keçirməyib və bununla da onun hüququnu pozub.

Krasnoselski Rayon Məhkəməsinə verdiyi iddia ərizəsində 48 yaşlı kişi çağırış vərəqəsini geri götürmək və onu çağırışdan azad etmək üçün çağırış komissiyasına öhdəliyin qoyulmasını xahiş edib.

Qeyd edək ki, Bu, artıq Sankt-Peterburqda qismən səfərbərlik çərçivəsində hərbi xidmətə çağırışla bağlı ikinci məhkəmə iddiasıdır. Öncəki müraciət sentyabrın 30-da hərbi xidmətin alternativ mülki xidmətlə əvəz edilməsi ilə bağlı olub.