Rusiya Federasiyasının Prezidenti Vladimir Putin Rusiya ərazisində elan olunmuş «işgüzar» səfərbərlik zamanı yaranmış problemləri çox tez etiraf edib.

Xüsusilə, cəbhəyə planlaşdırılanları göndərmirlər. Bundan başqa, səfərbər olunmuşları çadır düşərgələrində yerləşdirirlər.

Bu barədə Böyük Britaniyanın Müdafiə Nazirliyi Tvitter-də xəbər verir («UNİAN»).

Qeyd olunur ki, Putin sentyabrın 29-da (2022) Rusiya Milli Təhlükəsizlik Şurasına səfərbərlik barədə müraciət edib - səfərbərlik isə sentyabrın 21-də elan olunub. Rusiya Prezidenti deyib ki, bu səfərbərlik kampaniyası zamanı bir çox suallar yaranır və «biz, öz səhvlərimizi operativ surətdə düzəltməli və onları təkrar etməməliyik».

«Putin tərəfindən problemlərin fövqəladə tezliklə etirafı səfərbərliyin birinci həftəsində disfunksiyanın yaşandığından xəbər verir. Yerli məmurlar, güman ki, kampaniyanın dəqiq miqyasını və hüquqi əsaslarını bilmirlər. Onlar elə kadrları seçiblər ki, Putinin və Müdafiə Nazirliyinin bəyan etmiş olduğu kateqoriyalara aid deyillər» - kəşfiyyatda izah ediblər.

Göstərilir ki, ehtiyatda olub da səfərbər edilənlər tranzit çadır düşərgələrdə toplaşırlar, Rusiyanın rəsmi şəxsləri isə güman ki, hər yerdə təlimi təmin etməyə və yeni bölmələrə rəhbərlik edəcək zabitləri tapmağa çalışırlar.