Səfərbərlik elan edərək və Ukraynanın 4 əyalətinin bir hissəsinin ilhaqı cəhdini tətbiq edərək Rusiya Prezidenti Vladimir Putin özü üçün çox təhlükəli situasiya yaradıb. RF başçısı özünün yaxın silahdaş qruplaşması ilə fikir ayrılığı yaradıb.

Bu barədə rusiyalı politoloq və publisist Andrey Piontkovski «Feyqin Live»nin efirindən danışıb («UNİAN»).

«Səfərbərliyə gedərək, ilhaqla bağlı istənilən gələcək danışıqlar imkanını pozaraq, o, hər gün özü ilə və yaxın silahdaşlarından ibarət qrup arasında artan fikir ayrılığı yaradıb - bu, çox təhlükəli situasiyadır» - politoloq bəyan edib.

Ekspert əlavə edib ki, Putinin şəxsi maraqları ilə silahdaşlardan ibarət qruplaşmanın şəxsi maraqları arasında artıq uçurum var. Piontkovski deyib ki, həm də Prezidentlə və onun dəstəyinin bazası arasında uçurum dərinləşir.

Politoloq qeyd edib ki, bunun göstəricisi olaraq, RF-da orta sinif səfərbərlikdən qaçıb.

(Azpolitika.az)