"İranda rejimin aparıcı adamlar, yəni küçələrdə adam öldürənlər, son gülləni vuranlar etiraf edirlər ki, artıq yorulmuşuq, təşəbbüskarlıq əlimizdən çıxıb".

Teref.az xəbər verir ki, bu sözləri Reaksiya TV-nin canlı efirində Güney Azərbaycan İstiqlalçılar Birliyinin (GAİB) başqani Əjdər Tağızadə deyib.

Ə.Tağızadə prosesləri izləyən bir şəxs kimi rejimin açıq şəkildə qorxuya düşdüyünü dilə gətirir:

"İranda bəzilərinin ağılları başlarına gəlməli, panikadan çıxmalıdırlar. Necə ki, Azərbaycanın güneyində Tehran məclisində, o şeytan yuvasında atlanıb boğazlarını yırtırlar. Rejim gecə vaxtı qapılara girir, evləri sındırır. Xomeyni o vaxt hakimiyyətə gələndə deyirdi ki, bizim beşikdən qəbrə kimi sizinlə işimiz var. Onda gülürdülər hələ... Bu gün fars dövlətçiliyini ona çəkirlər. Bu gün də onu həyata keçirirlər başqa alternativləri yoxdur".