Avropa İttifaqının xarici siyasət və təhlükəsizlik məsələləri üzrə ali nümayəndəsi Jozep Borel Beynəlxalq Cinayət Məhkəməsinin (BCM) Rusiya Prezidenti Vladimir Putinin həbsinə order verilməsi ilə bağlı qərarını alqışlayıb.

“Cinayətlərin şiddəti və BCM-nin bəyanatı öz-özündən xəbər verir”, - Aİ-nin baş diplomatı vurğulayıb.

“Bu, beynəlxalq ədalət və Ukrayna xalqı üçün mühüm qərardır. Biz Avropa İttifaqında həmişə açıq şəkildə bildirmişik ki, Ukraynaya qarşı qanunsuz təcavüzün günahkarları məsuliyyətə cəlb edilməlidir", - J. Borel qeyd edib.

Borel əlavə edib ki, bu həbs qərarı Ukraynada hərbi cinayətlərə görə potensial günahkar şəxslərin məsuliyyətə cəlb edilməsi prosesinin yalnız başlanğıcıdır.