Avropa İttifaqı (Aİ) liderlərinin Rusiyanın işğalı ilə mübarizə aparan Ukrayna qüvvələrinə döyüş sursatı çatdırılmasını sürətləndirmək planını cümə axşamı təsdiqləmələri gözlənilir.

$2 milyard dollarlıq plan bu həftənin əvvəlində Avropa İttifaqı xarici işlər və müdafiə nazirləri tərəfindən təsdiqlənib. Bu plan həm mövcud ehtiyatlardan döyüş sursat göndərilməsini, həm də daha çox raund sifarişlər üçün Avropa İttifaqı ölkələrinin birlikdə işləməsini nəzərdə tutur.

Ukrayna liderləri Qərb müttəfiqlərinə əsasən də 155 millimetrlik mərmilər olmaqla, Ukrayna ordusunun təcili daha çox döyüş sursatına ehtiyacı olduğunu bildirib.

Birləşmiş Millətlər Təşkilatının Baş katibi Antonio Quterres cümə axşamı Avropa İttifaqı liderləri ilə günorta görüşünə qatılacaq. Ukrayna prezidenti Volodimir Zelenski daha sonra video müraciətlə çıxış edəcək.

İclas cümə axşamı, Ukrayna hökumətinin Rusiyanın pilotsuz təyyarələr və raketlərlə hücumları nəticəsində iki şəhərdə azı 7 nəfərin öldüyünü bildirməsindən bir gün sonra keçirilir.

Aİ-nin xarici siyasət üzrə komissarı Cozep Borrell cümə axşamı Twitter səhifəsində Rusiya prezidenti Vladimir Putinin Ukraynada Çin tərəfindən hazırlanmış sülh planına dəstəyini və bu həftə Çin prezidenti Şi Tsinpinə ev sahibliyi edən Rusiyanın Ukraynaya hücumlarını yanaşı yerləşdirib.

"Təhsil müəssisələrini İranın pilotsuz təyyarələri ilə hədəf almaqla və Zaporijyedəki yaşayış binasını raketlə vurmaqla, Ukrayna yenidən Rusiya tərəfindən hücuma məruz qalıb. Putin prezident Şiyə "sülh yolu ilə həllə" ehtiyac olduğunu bildirəndə Rusiya yenidən hərbi cinayətlər törədib," Borrell bildirib.