“İkinci azərbaycanlı əsgər hələ də tapılmayıb”.

KONKRET.az xəbər verir ki, bu barədə erməni mediasına Ermənistan Müdafiə Nazirliyinin mətbuat katibi Aram Torosyan məlumat verib.

O bildirib ki, Ermənistan ərazisinə azaraq keçən azərbaycanlı hərbçi hələ də tapılmayıb.

“Hazırda hüquq-mühafizə orqanları ilə birgə əməliyyat-axtarış tədbirləri davam etdirilir”, – Torosyan deyib.

“Azərbaycanlının axtarışları ancaq Zəngəzur rayonunda aparılır?” sualına isə Aram Torosyan cavab verməyib.

Xatırladaq ki, Naxçıvan Muxtar Respublikasında Müdafiə Nazirliyinin iki hərbi qulluqçusu itkin düşüb. Hadisə Şahbuz rayonu istiqamətində baş verib. Əlverişsiz hava şəraitində məhdudgörmə səbəbindən əsgərlərimiz ərazidə istiqaməti itirərək azıblar.

Erməni mediası onlardan birinin əsir düşdüyünü bildirib.