“Avropa Azərbaycan və Qara dəniz qazının tədarükünə arxalanır”.

Bizim.Media xəbər verir ki, bununla bağlı Macarıstan Energetika Nazirliyi açıqlama verib.

“Mərkəzi Avropanın dənizə çıxışı olmayan ölkələrinin xarici təsirlərini daha da azaltmaq üçün ən real qısamüddətli fürsət Azərbaycandan qaz idxalıdır”, - məlumatda bildirilib.

Qeyd olunub ki, Macarıstan kifayət qədər yüksək ötürmə qabiliyyətinə malik ikitərəfli qaz kəmərləri sistemlərinə sahibdir.

Diqqətə çatdırılıb ki, hazırda Qara dənizin hələ də işlənilməmiş qaz yataqlarında böyük potensial var. Bu yerlərdə kəşfiyyat işləri yaxın beş ildə başlaya bilər.