1 iyuldan etibarən Danimarkada ümumi hərbi xidmət rəsmi olaraq qüvvəyə minir. 18 yaşına çatan qadınlar da kişilər kimi qeydiyyatdan keçməli və tibbi müayinədən keçməlidirlər.

Sherg.az Nexta-ya istinadən xəbər verir ki, əvvəllər qadınlar yalnız könüllü şəkildə xidmət edirdilər. İndi isə hərbi xidmətin müddəti 11 ay məcburi olacaq.

Bu dəyişikliyin əsas səbəbi Rusiyadan gələn təhdidlər fonunda NATO-nun müdafiəsini gücləndirməkdir. 2033-cü ilə qədər Danimarka hər il 6500 nəfəri orduya çağırmağı planlaşdırır (2024-cü ildə 4,700 nəfər çağrılmışdı, onlardan 24%-i qadın könüllülər idi).

Bundan əlavə, Danimarka Müdafiə Nazirliyinə ordunun gücləndirilməsi üçün əlavə 40,5 milyard kron (təxminən 6 milyard ABŞ dolları) ayrılacaq.