Moskvada Avrasiya İttifaqının geniştərkibli iclasında Azərbaycan-Ermənistan liderləri arasında gərginlik yaşanıb.

Globalinfo.az xəbər verir ki, gərginliyə səbəb Ermənistan baş nazirin Azərbaycan Prezidentinin “Zəngəzur dəhlizi” ifadəsini işlətməsi olub. Buna Prezident İlham Əliyev dəhliz ifadəsinin beynəlxalq terminologiyada normal işlədildiyini və bunun ərazi iddiası olmasını demək üçün güclü fantaziyaya sahib olunması gərəkdiyini bildirib. Daha sonra Paşinyan Azərbaycanı Laçın dəhlizini qapatmaqda ittiham edib ki, buna da Prezident Laçın yolunun qapalı olmadığını, burada post yerləşdirildiyini və Azərbaycanın erməni sakinlərinin buradan maneəsiz istifadə etdiyini söyləyib.

Prezident həmçinin Zəngəzur dəhlizinin Rusiya tərəfindən dəstəkləndiyini də qeyd edib.