Birləşmiş Ştatlar Qərb koalisiyasının İraqdakı hərbi mövcudluğunu ikitərəfli əməkdaşlıqla əvəz etmək üçün danışıqlar aparmaq niyyətindədir.

Bu barədə Pentaqonun rəhbəri Lloyd Ostin məlumat verib.

“ABŞ və İraq hökuməti yaxın günlərdə Ali Hərbi Komissiyanın işçi qrupunun iclaslarına başlayacaq”, - ABŞ müdafiə naziri deyib.

Ancaq Ostin İraqdakı 2,5 min nəfərlik Amerika ordusunun hərbi kontingentinin çıxarılmasından və ya azaldılmasından söhbət gedib-getmədiyini açıqlamayıb. O vurğulayıb ki, tərəflər İŞİD-ə qarşı mübarizə üçün Vaşinqtonun rəhbərliyi altında yaradılan beynəlxalq hərbi koalisiyanın “ən effektiv təkamülünü” müzakirə etməlidirlər. \\BakuPost