"Ukraynanın döyüş meydanındakı uğursuzluqları Qərbin Kiyevə yardımını azaltmaq üçün bəhanəyə çevrilməməlidir".

32gun.az xəbər verir ki, bu barədə Ukraynanın xarici işlər naziri Dmitri Kuleba Amerikanın "Foreign Affairs" jurnalına müsahibəsində bildirib .

"Ukraynada yerdə nə baş verirsə, bu, dəstəyi azaltmaq üçün bəhanə kimi istifadə edilməməlidir", - Kuleba ölkənin silahlı qüvvələrinin uğursuz əks-hücum əməliyyatı ilə bağlı sualı cavablandırıb.

Kulebanın sözlərinə görə, Ukrayna Qərbin yardımlarının azaldılması səbəbindən resurs çatışmazlığı ilə üzləşsə belə, münaqişəni dayandırmağa və Rusiya ilə danışıqlara razı olmayacaq və mübarizəni davam etdirəcək. “Ukraynanın maliyyə və hərbi dəstəyini inkar etmək istəyənlərin hesablamaları necədir? Bəlkə də onların hesablaması ondan ibarətdir ki, bunu etsələr, Ukrayna Rusiyaya güzəştə getməyin və Rusiya ilə danışıqlara başlamağın vaxtının yetişdiyini başa düşəcək”. -deyə nazir bildirib.