10 ölkə İsraili razı salmağa çalışır: Fələstin dövləti...
28-01-2024, 12:38
Ən azı 10 ölkənin yüksək vəzifəli məmurları İsraili və HƏMAS hərəkatını sülh razılaşmasına sövq etməyə çalışır.
Bu barədə “Nyu York Tayms” məlumat yayıb .
Məlumata görə, əsas danışıqlar Qəzza zolağında atəşkəsin əldə olunmasına yönəlib. Bu isə HƏMAS-ın saxladığı 100-dən çox girovu İsrail həbsxanalarında olan minlərlə fələstinli ilə dəyişdirməyi tələb edir.
Rəsmilər anklavın gələcəyini və münaqişə bitdikdən sonra ərazinin idarə olunmasını da müzakirə edirlər. Vaşinqton və Ər-Riyad rəsmiləri də Səudiyyə Ərəbistanı ilə rəsmi əlaqələr qurmaq müqabilində İsrailin Fələstin dövlətinin yaradılmasına razılıq verməsinə nail olmaq istəyir. Mənbə: axar.az