Rusiya prezidenti Vladimir Putin ölkənin 15 ən böyük torpaq mülkiyyətçisindən biri olan “Agroterra” şirkətinin aktivlərinin dövlət nəzarətinə verilməsi haqqında fərman imzalayıb.

Gununsesi.info rus mediasına istinadən xəbər verir ki, fərmana əsasən, Kursk, Oryol, Lipetsk, Tula, Ryazan, Tambov və Penza vilayətlərində torpaqlara sahib olan “Agroterra”-nın 100%-i Əmlakın İdarə Edilməsi Federal Agentliyinin “müvəqqəti idarəçiliyinə” verilib.

Bundan əlavə, AgroTerra (Kapital AgroFinance), həmçinin AgroSistema MMC və AgroSistema-Regions MMC də agentlik tərəfindən alınıb.

Əmlaklarını ilk itirənlər arasında Finlandiyanın “Fortum” enerji konserni və əvvəllər Almaniyada Rusiya qazının ən böyük alıcısı olan Almaniyanın “Uniper” şirkətidir.

Daha sonra 2023-cü ilin iyulunda oxşar sxemə görə, Fransız Danone Rusiyadakı biznesini itirib. Daha sonra onlar şirkətin aktivlərini Çeçenistan rəhbərinin qardaşı oğlu, respublika hökuməti sədrinin müavini Yakub Zakriyevə satmaq qərarına gəliblər.

Məlumata görə “AgroTerra” 2008-ci ildə ukraynalı Amerika vətəndaşı Corc Ror tərəfindən təsis edilib. 2023-cü ilə qədər 24 fermanı, buğda, soya, şəkər çuğunduru, günəbaxan və kolza toxumlarının yetişdirildiyi əkin sahələrini, habelə tutumu 500 min ton olan liftləri birləşdirən qrup Rusiyanın ən böyük 20 kənd təsərrüfat holdinqlər siyahısında olub.