Rusiya XİN-in sözçüsü qeyd edib ki, Bəşər Əsədin təyyarə qəzasında həlak olmasına dair məlumat Qərbin canfəşanlıqla mübarizə apardığı feyklərin yayılmasıdır.
"Reuters" Əsədin ölümü ilə bağlı saxta xəbəri təkzib etməlidir.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
"Maraqlıdır, Əsədin ölümünü xəbər verən “Reuters“ agentliyi özünü təkzib edəcəkmi? Axı bu, Qərbin canfəşanlıqla mübarizə apardığı feyklərin yayılmasıdır" - Rusiya XİN-in sözçüsü "Telegram" kanalında yazıb.
Qeyd edək ki, "Reuters" agentliyi Bəşər Əsədin təyyarə qəzasında həlak olmasına dair məlumat yayıb.
Lakin dekabrın 8-də aşxam saatlarında RİA Novosti Kremldəki mənbəyə istinadən Bəşər Əsədin ailəsi ilə birlikdə Moskvada olduğunu və Rusiyanın ona siyasi sığınacaq verdiyini açıqlayıb.