İsveçrə Suriyadakı silahlı müxalifətin lideri Əbu Məhəmməd əl-Culaninin başçılıq etdiyi “Həyat Təhrir əl-Şam” qruplaşmasına qarşı sanksiyalara baxmayaraq, mümkün diplomatik danışıqlar üçün onun ölkəyə daxil olmasına icazə verə bilər.
İqtisadiyyat.az xəbər verir ki, bu barədə İsveçrə Xarici İşlər Nazirliyi məlumat yayıb.

“Sanksiyaya məruz qalan şəxslərin İsveçrəyə daxil olmasına və ya tranzit keçməsinə əslində icazə verilmir. Xüsusilə diplomatik və ya tibbi səbəblərə görə istisnalar ayrı-ayrılıqda verilə bilər”,-deyə İsveçrə XİN-dən bildirilib.

Bir gün əvvəl əl-Culani Dəməşqdə BMT səfiri Geir Pedersen ilə görüşüb. Siyasi sahədə dəyişikliklərlə əlaqədar BMT Təhlükəsizlik Şurasının 2254 saylı qətnaməsinə yenidən baxılması məsələsini müzakirə ediblər. HTŞ lideri qeyd edib ki, Suriyanın ərazi bütövlüyünü təmin etmək və ölkə iqtisadiyyatının bərpasına nail olmaq lazımdır.