Qondarma Dnestryanının lideri Yevgeni Şevçuk Moskvaya səfər edib.

Axar.az xəbər verir ki, bu barədə informasiyanı Şevçukun mətbuat xidməti yayıb. Qondarma rejimin lideri Moskvada bir sıra rəsmilərlə görüşlər keçirməyi planlaşdırır.

Hələlik, Şevçuku Moskvada məhz kimlərin qəbul edəcəyi açıqlanmır.

Qeyd edək ki, Dnestryanı Moldova ərazisidir. 1992-ci ildə Rusiyanın aktiv dəstəyi ilə separatçılar Moldova mərkəzi hakimiyyətinə tabe olmaqdan imtina ediblər. Qondarma rejimin ərazisində indiyə qədər Rusiya hərbi bazası mövcuddur.

Dnestryanı bundan öncə Rusiyaya birləşmək istədiyini bəyan edib. Hətta bununla bağlı separat zonada yaxın bir neçə ay ərzində referendumun keçirilməsi də nəzərdə tutulur.