ABŞ prezidenti Donald Tramp Rusiya ilə sülh sazişi çərçivəsində Ukraynada seçkilərin keçirilməsi şərtini geri götürəcək.
Bu barədə “The Telegraph” məlumat yayıb.

Nəşrin yazdığına görə, Tramp sülh üçün Ukrayna prezidenti Vladimir Zelenskidən seçkilərin keçirilməsini tələb etməyəcək.

Bu güzəşt avropalı diplomatlarda şübhələrə səbəb olub, çünki ABŞ eyni zamanda digər sahələrdə Kiyevə təzyiqləri artırır.

Ukraynanın Baş naziri Denis Şmıxal bəyan edib ki, Kiyev və Vaşinqton yaxın vaxtlarda mineral ehtiyatlara dair sazişi imzalayacaqlar.