İran Milli Ordusu komandanlığı xalqa qarşı hər hansı bir zorakılıq olduğu halda ordunun xalqı qoruyacağını açıqlayıb.

Axar.az xəbər verir ki, bu barədə İran sosial şəbəkələrində məlumat yayılıb.

Maraqlıdır ki, indiyə qədər İran Milli Ordusu xəbəri nə təsdiq, nə də təkzib edib.

Qeyd edək ki, İran İslam İnqilabı zamanı İran Milli Ordusu inqilabın ilk günlərində Şah hakimiyyətini müdafiə etsə də, daha sonra xalqın tərəfinə keçərək inqilabçı qüvvələri dəstəkləmişdi.

İranda aksiyalar 28 dekabrdan davam edir. İndiyə qədər ölkənin 20-dən çox şəhərində keçirilən aksiyalarda 12 nəfərin öldüyü, 377 nəfərin həbs edildiyi bildirilir.