Sumqayıt şəhər Səhiyyə Şöbəsi tərəfindən keçirilən tender müsabiqəsinin qalibi məlum olub.
Yeniavaz.com-un məlumatına görə, tender müsabiqəsinin qalibi fərdi sahibkar Əfqan Məlik oğlu Rzayev (VÖEN-1302829472) olub. Müsabiqənin şərtinə görə Əfqan Rzayev Sumqayıt şəhər Səhiyyə Şöbəsinin çirkli paltarların yuyacaq. Belə ki, Əfqan Rzayev 2020-ci il ərzində Sumqayıt şəhər Səhiyyə Şöbəsinə məxsus olan və ümumi çəkisi 35 000 kiloqram olacaq odeyal, mələfə, yorğan üzü, yastıq üzü, əski bambazı, pinjama və əski çitləri yuyacaq.
Göstərilən xidmətin qarşılığında Sumqayıt şəhər Səhiyyə Şöbəsi Əfqan Rzayev 80 000 manat vəsait ödəyəcək.
Rəqəmlərdən də göründüyü kimi, Sumqayıt şəhər Səhiyyə Şöbəsi 1 kiloqram çirkli paltarın yuyulması üçün 2 manat 28 qəpik pul xərcləyəcək.
Məlumat üçün qeyd edək ki, Sumqayıt şəhər Səhiyyə Şöbəsi üəvvəlki illərdə də çirkli paltarın yuyulması üçün eyni miqdarda - 80 000 manat vəsait ayırıb. 2019-cu ildə çirkli paltarları yumaq üçün Sumqayıt şəhər Səhiyyə Şöbəsi bu vəsaiti "ASA SVC" MMC adlı şirkətə ödəyib. Maraqlıdır ki, "ASA SVC" MMC adlı şirkət ötən ilin yanvar ayının 25-də dövlət qeydiyyatına alınıb. Həmin tenderin nə zaman baş tutduğu bilinməsə də, məlumat məlumat təxminən 1 ay sonra - mart ayının 3-də açıqlanıb. 2018-ci ildə baş tutan tender müsabiqəsinin qalibi isə yenə də Əfqan Rzayev olub.